Thaum tham txog Matt Entenza, peb yuav tau tham txog lub zos nyob nruab ntsab ntawm qabteb thiab hnub poob hauv Minnesota uas hu ua Worthington. Worthington yog ib lub zos uas Matt nyob loj hlob rau lub caij ntuj kub, ua si ntawm ib tus dej me, ze ntawm nws pog lub tsev thiab yog qhov chaw uas nws kawm tau txojkev ua neeg zoo. Matt txiv txojkev quav dej quav cawv ua rau nws tsev neeg yuav laug poob txhua yam thiab lub tsev uas nyob rau nram California. Lub sijhawm muaj teebmeem no yog Matt nyob rau ntawm lub zos Worthington. Worthington yog qhov chaw uas Matt ntsib ib tus xaam txiavtxim uas dhau los ua ib tus phoojywg cobqhia nws thiab qhia nws tias, txojcai yog ib yam cuabyeej uas pab tau txojkev muaj vajhuamsibluag thiab yog txojkev ncajncees rau zej rau zos. Worthington Senior High School yog lub tsev kawm ntawv uas Matt kawm thaum hluas uas txhawb tau nws kawm mus rau qib siab kom dhau tau los ua ib tug kws hais plaub ntug pab pejxeem.

 Lub Neej Dhau Los thiab Yam Uas Hloov Kuv

Matt Entenza li keebkwm hauv Minnesota yog pib xyoo 1860s. Nws yawgkoob hu ua John Silvernale. Nws tuaj pab qaumteb tog tuab sab qabteb tog uas yog cov xav kom txhua lub lav hauv Amelikas teb los sib koom ua ke. Tom qab tso txojkev ua rov rog hauv tebchaws Amelikas teb tseg, nws tau txais 80 acres nyob rau hauv Minnesota sab hnub poob ze rau ntawm lub nroog hu ua Marietta. Thawj xyoo uas los nyob rau lub zos no, nws yog ib lub sijhawm nyuaj kawg li tiamsis tej pejxeem sawvdaws los nyob sib koom ua ke, txawm yog tej qoob loo tsis zoo thiab tej tsev xau nag. Thaum lub sijhawm nyuaj, cov pejxeem sib koom nyiaj los tsim tau ib lub tuamtsev teevntuj thiab ib lub tsev kawm ntawv.

Lub sijhawm uas kev noj kev haus poob qig tshaj plawg nyob rau lub tebchaws Amelikas teb, Matt pog, Louise Mowrey, tau ib txoj haujlwm los ua ib tus pab tuav nyiaj txiag ntawm lub chaw txhab nyiaj, First State Bank, nyob rau hauv Rushmore. Lub sijhawm ntawd, lub tebchaws Amelikas teb cov txhab nyiaj txiag tau poob ib vuag, ces tus Tuam thawj Rwj tebchaws hu uas Roosevelt txawm pib siv Federal nomtswv tej nyiaj los pab rau cov txhab nyiaj uas nyob rau hauv zej hauv zos kom cov txhab nyiaj tsis txhob poob. Louis thawj txoj haujlwm nyob rau hauv First State Bank yog sau tej tsab ntawv rau tej neeg uas qhib kev tso nyiaj kom lawv paub tias nomtswv tau pab ib leeg $100.00 coj mus siv. Louis txawm dhau mus ua ib tus lwm thawj saib hauv lub txhab nyiaj, ces nws lub chaw ua haujlwm loj ob npaus ntxiv, loj ib yam li lub chawqivntawv (library) uas nyob hauv zos. Louise Mowrey tau so tsis ua haujlwm thaum nws muaj 84 xyoos.

Matt's niam, Georgia, yog loj hlob nyob rau Rushmore and Worthington tiamsis nws khiav mus rau nram Kalifonias tom qab uas kev ua rov rog tau yuam nws mus ua ib tus kws pojniam kho mob. Matt yug nyob rau xyoo 1961, nyob rau hauv Santa Monica, California. Nws txiv tau ntsib txojkev txomnyem los ntawm txojkev quav dej quav cawv thiab nws ib txwm khwv tsis tau nyiaj los pab rau nws tsevneeg, tiv nuj tiv nqi thiab thaum kawg khiav tawm ntawm nws tsevneeg. Thaum Matt muaj 15 xyoos, nws tsevneeg lub vaj lub tsev raug txeeb, ua rau nws, nws niam, cov kwv thiab cov muam ua neeg tsis muaj tsev nyob. Tsis paub yuav tig rau qhov twg, tsevneeg thiaj li khiav rov qab mus rau pem Worthington thiab los nyob hauv Louis lub tsev uas nyob rau txojkev Clary Street.

Thaum rov qab muaj vaj muaj tsev nyob, Georgia pib rov qab npaj lawv lub neej dua. Leejniam coj cov menyuam mus kawm ntawv nyob rau lub tsev kawm ntawv Worthington Public School thiab rov qab pib ua txoj haujlwm xws li ua tus pojniaj kho mob kom tau nyiaj them nuj them nqi, txawm yog nws tus txiv tej nuj nqis caum thiab hem lawv.

Twb yog lub sijhawm uas Matt kawm lub tsev kawm ntawv Worthington Senior High School, nws thiaj li ntsib Gary Grippen, ib tug kws hais plaub ntug, ib tus thawj hais plaub ntug hauv cheeb tsam uas dhau los lawm thiab ib tus xaam txiavtxim. Nws tau dhau los ua ib tug phoojywg uas tso siab tau, uas cob qhia Matt. Gary tau hais kom Matt mus ncig saib Gary lub chaw txiavtxim hauv zos ces nws thiaj li mus. Yav dhau los, Matt tsuas paub txog tej txoj kevcai uas sib nyom thiab kaw vaj kaw tsev uas nws txiv tau ntsib xwb. Twb yog nyob rau hauv Gary hoob chav txiavtxim, Matt thiaj li loj hlob to taub tias, txojcai yog hais txog txojkev ncajncees thiab txojkev muaj feem sib luag ua ub ua no.

Kev Kawm Ntawv thiab Kev Pib Ua Neej

Matt kawm ntawv tiav hauv Worthington Senior High School thiab tau txais nyiaj txiag pub dawb mus kawm ntawv Augustana College nyob rau hauv Sioux Falls. S.D. Nws muaj lub zeem muag yuav mus kawm rau hauv cov tsev kawm ntawv hais plaub ntug. Tom qab nws kawm tag xyoo ob, nws hloov mus kawm nyob rau Macalester College hauv St. Paul thiab nws tseem raug xaiv ua tus thawj hauv cov tub ntxhais kawm ntawv. Matt tau ua dejnum pab rau tus Thawj Lav hauv Minnesota hu ua Elmer Andersen thiab pab nws tus tub Tony uas nyob rau H.B. Fuller Foundation. Matt tseem nco txog tus thawj tseemfwv lav tau ntsuam xyuas tias, lub lav Minnesota tau txais txojkev vammeej vim yog cov nomtswv tau pab nyiaj txiag rau menyuam txojkev kawm ntawv. Xyoo 1984, Matt tawm ntawm lub koomhaum H.B. Fuller Foundation mus ua haujlwm rau hauv qhov chaw Nuclear Weapon Freeze Campaign uas tsim tsa los ntawm Paul Wellstone nyob rau lub tsev kawm ntawv Carleton College.

Nyob rau xyoo 1984 yav lig, Matt txawm yuav Lois Quam los ua pojniam. Tom qab nws khiav mus nyob rau lub zos Worthington, Matt thiab Lois sib ntsib nyob rau hauv High School lub sijhawm lawv sib xeem rau txojkev hais ib zag lus nyob rau thajchaw Pipstone, Minn. Nkawd tau sib ntsib mus-mus-los-los nyob rau hauv high school thiab tom qab Matt kawm ntawv tag high school, nkawd txawm sib tham ua nkauj ua nraug. Tom qab nkawd sib yuav, nkawd khiav mus rau England, yog qhov chaw uas Lois tau mus kawm ntawv rau lub tsev kawm ntawv Oxford University los ua ib tug Rhodes Scholar. Lub sijhawm nyob rau England, nyob rau hauv Oxford University, Matt los kuj kawm ntawv txog kev hais cai nyob rau Amelikas teb thiab qhia kevcai thiab kev ua nom ua tswv rau cov tub ntxhais nyob rau High School. Tom qab Matt rov qab los rau Minnesota, nws mus tso npe kawm ntawv rau hauv lub University of Minnesota law School thiab ua haujlwm nyob rau hauv lub chaw ntawm Hennepin County Public Defender, uas yog ua ib tug tuav ntaub ntawv kev cai. Nws ua tau txoj haujlwm zoo heev uas yog ua ib tug khaws ntaub ntawv nyob rau phab AFSCME.

Tom qab Matt thiab Lois tau thawj tus tub, Ben, yog yug rau xyoo 1989, nyob rau hauv tsev kawm ntawv, Matt ho los kawm txog kevcai hais plaub ntug thiab ho nyob tsev ua ib leejtxiv. Lub sijhawm no, Lois pib ua nws txoj haujlwm nyob rau hauv United Healthcare uas yog pab cov tibneeg mus ntsib thajmuam uas tsis muaj nyiaj thiab ua neej poob qig. Xyoo 1991, nkawd yug tau ib khub menyuam tub ntxaib xws lis Will thiab Steve.

Tom qab Matt kawm ntawv tiav nrog rau txojkev muaj koobnpe, nws ua ib txoj haujlwm nyob rau hauv Minnesota Attorney General's office. Thaum ua tus pab tus thawj tuav plaub ntug, Matt muab tau ib lub chaw tsho menyuam uas ntxias yuav Minnesota tsevneeg tej nyiaj kaw. Matt tau coj ob tus Texas ministers uas tau nyiag cov nyiaj uas coj los pab tej tsevneeg uas muaj kev cheemtsum xav tau hlab siab hlab ntsws coj los hloov cov uas xav tau thiab nws tau nthuav tawm tej koomhaum thovnyiaj uas coj los pab ntiav cov tubceevxwm ua dejnum tiv thaiv tibneeg. Tom qab ua haujlwm hauv Attorney lub chaw, Matt mus ua dejnum nyob rau hauv Hennepin County Attorney lub chaw, uas nws ua ib tug pab rau tus thawj hais plaub ntug nyob hauv Hennepin County. Nws nrhiav cov neeg txawj ntse uas ua txhaum kevcai thiab coj lawv mus hais plaub ntug kom raug txim.

Lub sijhawm nws ua haujlwm hauv Hennepin no, nws pib ua dejnum pab rau Merriam Park Community Council thiab nws lub zejzog rau kev sib koomsiab. Pib xyoo 1990, St. Paul nyuam qhuav pib tawm ntawm txojkev txomnyem noj haus, thiab tej zej zog cov tsev kawm ntawv los toob kaas nyiaj txiag los pab txhim kho sai li sai tau. Matt yeej tseem nco ntsoov tias nws lub neej zoo vim yog txojkev kawm ntawv thiab nws ntseeg tias kev kawm ntawv yog tus kasces uas muab tau kev vammeej rau lub lav Minnesota. Lub sijhawm no, Matt tus tub Ben tab tom pib mus kawm ntawv. Matt pom tias, nws yuav tau pab kom Minnesota tej tsev kawm ntawv kom nce qib thiab zoo. Thaum xyoo 1994, lub rooj dhia ua nom ua tswv nyob rau hauv State House of Representative qhib, Matt txiav txim siab npaj sib tw kom tau los nyob rau lub rooj no. Thaum kawg, lub kaum ib hlis ntuj, nws raug xaiv ntawm pejxeem los ua tus nyob lub rooj lawm.

Elective Office

Lub sijhawm uas nws nyob rau tom tsev dawb hauv St. Paul, Matt hais kom nomtswv pab nyiaj los txhim kho tej tsev kawm ntawv thiab nws yog ib tug uas hais kom nomtswv hauv lav yuav tau nqig tes pab rau federal No Child Left Behind program. Nws tau pab hais kom muaj txojcai los pab tiv thaiv cov uas muag ntaub ntawv thiab pab kom cov neeg uas ua haujlwm tau nyiaj tsawg thiab ib ntsab kom txhob them se ntau-ntau. Koom nrog rau AARP, Matt tau tsim cai los txwv kom tej chaw ua lag luam tsis txhob hu-hu xovtooj tuaj rau hauv tibneeg tej tsev kom yuav lawv tej khoom thiab tejkev pab. Nws tau sau thiab nthuav tawm txog tej tsev kawm ntawv charter schools uas tau siv pejxeem tej nyiaj se coj los siv tsis muaj nuj nqis thiab Matt tau tsim tau ib tsab cai los soj tej nyiaj txiag uas cov charter tsev kawmntawv tau siv.

Los txog rau 2003, the House DFL phav nomtswv tau poob 28 lub rooj ua rau tsawg tshaj li phav Republican phav. Phav DFL pom meej-meej tias yuav tsum muaj kev hloov, lawv thiaj li xaiv Matt los ua tus thawj ntawm phav DFL. Nyob rau xyoo 2004, Matt ua tus tswj txhua yam ntawm House DFL txojkev nthuav koob kom tsub tau pejxeem los tuaj lawv tog los ntawm lub tswvyim uas piav tias yuav tsum tig rov mus txhawb txojkev kawm ntawv kom zoo thiab pab rau cov txomnyem them tau tus nqi txhua hli kom muaj feem mus hoosmuam. Thaum kawg pejxeem xaiv tau cov uas tuaj phav DFL li 13 lub rooj ntxiv ua rau lawv poob qab phav Republican li ob lub rooj lawm xwb.

Xyoo 2005, kev npaj nyiaj txiag siv txhua-txhua kaum xyoo biennial budget, Matt yeej ua tau tiav rau tej uas nws tau cog lug tseg raws li xyoo 2004, lub sijhawm nws tau los sib tw ua nom ua tswv. Xyoo 2005, uas yog lub sijhawm lawv tau kaw kev ua dejnum hauv tsevnom, Matt tau los ntaus thawj coj sawvdaws tau zoo heev txawm yog lwm tug tau nyoo tus thawj lav Tim Pawlenty tej qib lus uas tau kom tseg uas sawvdaws tsis nyiam. Vim Matt thiav cov thawj coj ntawm phav DFL tes dejnum uas lawv tau ua tiav, kaum txheeb tus neeg rov saud thiaj li tseem tau lawv li pabkaphais hoosmuam (healthcare), thiab tej nomtswv hauv zej zos los thiaj li tau nyiaj, nqi them se tsev los thiaj li qig, thiab muaj nyiaj ntiav tej tub ceevxwm thiab tibneeg tua hluavtaws, thiab tsev kawm ntawv los tau nyiaj ntxiv, thiaj li hoov rov qab phav Republican txojkev txiav nyiaj txiag.

Muab ntsia los, Matt tegnum zoo ces tawm tsam tau GOP tej tswvyim, peb yuav tsis ceeb yog phav Republican thiaj li tawm tsam Matt. Phav GOP thiab cov uas tuaj nws tog tau ywg thiab tawm tsam Matt tshaj li txhua tus thawjcoj uas nyob phav DFL. Txhua yam kev ywg txog Matt, thaum kawg tsis muaj dab tsi li raws li pab kavxwm soj kev ncajncees tau muab tshuaj thiab taug qab.

 Yam uas Matt ua tiav tau raug qhuas los ntawm tej koomhaum xws li Children's Defense Fund, the Coalition of Greater Minnesota Cities, the Minnesota Farmers Union, the National Child Support Enforcement Association, the League of Conservation Voters, the Minnesota Nurses Association, the Minnesota Coalition for Battered Women, the National Coalition to End Child Hunger and Mothers Against Drunk Driving.

Xyoo 2006, Matt tau txiav txim siab tawm hauv txojkev ua nom tsim kevcai los mus ua ib tug thawj hais plaub ntug nyob hauv lav Minnesota. Lub sijhawm nws npaj sib tw, Matt tau ntiav ib lub koomhaum los tshuaj xyuas txog tus lw kev ua num nyob rau hauv AG's lub chaw. Hmoov tsis muaj, nws txojkev sib tw los cuamtshuam rau hauv AG kev xwmtsheej thiab lwm yam dejnum. Xav kom muaj kev sib koom sib raug zoo hauv nws phav, Matt thiaj li tso tseg txojkev sib tw lawm.

Matt Entenza Today

Matt tes dejnum nyob rau Minnesota 2020, pub nws muaj feem los mus tshuaj xyuas tej yam qhob lus tseemceeb kom paub meej txog Minnesota lub neej yav pemsuab thiab nws tau ncig thoob lub lav nrog pejxeem tham txog tej yam uas sawvdaws muaj kev txhawjxeeb txog. Tsis yog tej yam uas sawvdaws tsis tau hnov dua, pejxeej yeej txhawj txog kev noj kev haus uas tau poob qig, lawv tej haujlwm, nyiaj txiaj tau nqig rau kev pab tsev kawm ntawv, thiab nqi hoosmuam tau nce kim. Los ntawm tej teebmeem no uas tau khi lub lav tsis plam, pib xyoo 2009, Mat thiaj li tau txiav txim siab los mus sib tw ua tus thawj tswj hauv lub lav Minnesota. Lub plaub hlis ntuj xyoo 2009, Matt thiaj hais tawm tias, nws yuav npaj los sib tw ib hnub li yim xuajmoos. Matt ntseeg tias, txhua tus pejxeej hauv Minnesota tsim nyog tau txais txojkev kajsiab rau lub neej yav pemsuab yog sawvdaws sib koom tes thiab los koom muaj ib lub zeemmuag uas ua kom kev noj kev haus vammeej. Nws txhawj txog qhov uas peb saib kev kawm ntawm ua qhov tsis tseem ceeb los ntawm qhov peb saib rau lwm yam thiab ntseeg tias Minnesota tej tsev kawm ntawv yuav tau npaj kawm rau txojkev txawj rhiav noj nrhiav haus, tsis yog kawm kom xeem tau ntawv zoo xwb. Matt yuav pab kom txhua tus tau txais txojkev mus hoosmuam kom tau kev pab sib luag thiab tsim kom muaj ntau txoj haujlwm tshiab los ntawm qhov uas pab nyiaj txiag rau txojkev tsim xob fawsfab los ntawm fuabcua thiab qoobloo. Ntau tshaj qhov no, Matt xav pab kom yam uas zoo nyob kom tsuas muaj qhov uas zoo tshaj plawg.