Hmong

Matt Entenza lub neej ib txwm yog los pab kom txhua tus pejxeem nyob hauv Minnesota kom muaj vajfuam sibluag.  Yog tau los ua tus thawj Tswj lub lav Minnesota, nws yuav cog lus pab rau txojkev uas sawvdaws muaj vajfuam sibluag, nrog rau nws lub chaw ua haujlwm yuav zoo li lub chaw uas sawvcev ntawm txhua haiv tibneeg uas nyob rau hauv Minnesota.

Asia Cov Pejxeem

• Tuav txojcai kom pab lub koomhaum the Councils of Color. Thawj xyoo ua nom, xyoo 1995 thiab 1996, Entenza tawm tsab cai los pab tuav pob nyiaj rau lub koomhaum Asian-Pacific Minnesotans Council.
• Tshwm tsab cai rau kev pab tibneeg nrhiav haujlwm ua. Nws tawm txojcai los pab kom tej pejxeem tshiab uas nyob hauv Minnesota nrhiav tau haujlwm ua.
• Yog ib tug tsavxwm nyob rau hauv Minnesota Minority Education Partnership. Entenza lub siab npaj yog los pab kom tej tub ntxhais hluas uas tsis yog neeg tawv dawb mus kawm ntawv rau qib siab.
• Tus tawm tsab cai kom muaj ntau hom neeg los ua xibfwb qhia ntawv nyob rau Minnesota. Entenza tuav tsab cai no kom pab Hmoob cov pejxeej uas twb ib nrab neej lawm kom tau mus kawm ntawv tiav qib siab thiab tau ntaub ntawv ua xibfwb qhia ntawv. Tom qab Tim Pawlenty los ua tus governor, nws muab txojkev pab nyiaj no tshem tsis pab nyiaj lawm.
• Cam kom nce nyiaj rau txojkev pab rau kev kawm lus Askiv (ESL). Nws txhawb kom nce nyiaj rau tej cheeb tsam kawm ntawv uas muaj cov menyuam coob-coob, uas lus Askiv tsi yog lawm thawj hom lus.
• Tiv thaiv tibneej txojkev muaj vajfuamsibluag. Xyoo 1997, Entenza yog tus thawj tawm tsab cai kom tshem txojkev xaiv ntsej xaiv muag kom tsawg zuj zug vim yog yus daim tawv nqaij thiab tsab cai no kuj pab tiv thaiv tau zuj zug.
• Tus thawj uas tawm tsab cai "Adult Basic Education Act." Tsab cai no tau tsim los pab kom cov neeg laus paub ntaub paub ntawv coob nyob rau Minnesota. Ua ntej uas tsis tau muaj tsab cai no, cov tibneeg laus mas cuv npe niaj hnub tos kom tau kawm ntawv Askiv xwb. Tsab cai no tshem tau txojkev uas pheej tos-tos mam li tau kawm ntawv. Txojkev uas pab nyiaj rau qhov no, Governor Tim Pawlenty muab tshem pov tseg lawm.
• Tus pib tsab cai kom rau txim hnyav rau txojkev ua phem rau lwm tus vim yog kev ntxub ntxaug. Entenza ua ib tus khub uas tau tawm tsab cai kom rau txim hnyav rau cov neeg uas ua phem rau lwm tus vim yog lawv txojkev ntseeg txawv los yog tibneeg txawv yus.
• Ua ib tug Governor uas muaj lub chaw sawv cev rau txhua hom pejxeem nyob hauv Minnesota. Matt Entenza cog lus tias, nws lub chaw uas nyob rau tom tsevnom yuav zoo li thiab yuav sawv cev rau txhua hom neeg uas nyob hauv Minnesota.
• Tsim lub chaw hauv Minnesota kom txais tos txhua leej txhia tus kom muaj kev sov siab. Ua ib tug governor, Entenza yuav txhawb kom lub lav Minnesota no kom txais tos txhua hom neeg thiab pom txog tias feem coob cov tibneeg nyob hauv Minnesota no yog tuaj lwm qhov chaw tuaj.